Tuesday, 29 May 2012

பெட்ரோல் விலை உயர்வை எதிர்த்து அதிமுக தமிழகமெங்கும் போராட்டம்!

 பெட்ரோல் விலை உயர்வை எதிர்த்து அதிமுக தமிழகமெங்கும் இன்று போராட்டம் நடத்தியது. மத்திய மாநில அரசுகள் வரிகளை குறைத்தாலே போதுமானது! கலைஞர்!!!
டெல்லி, கேரளா,உத்திரகான்ட் ஆகிய மாநிலங்களில் செய்தது போல  பெட்ரோலுக்கு விதிக்கப்படும் மதிப்பு கூடுதல் வரியை குறைத்தாலோ,நீக்கிவிட்டாலோ(!), பெட்ரோலின் விலை கணிசமாக குறையும். மத்திய அரசும் மாநில அரசும் இதை செய்யவேண்டும். இந்த கருத்தை எல்லா அரசியல்(வாதிகளும்-தலைவர்களும்)கட்சிகளும் ஏற்று செயல்பட்டால் தீர்வு உண்டு!!செய்வாங்களா? ---பெட்ரோலுக்கு நாயா பேயா அலையும் மக்கள் சார்பாக வாக்காளன். 

Friday, 18 May 2012

வாழ்கபோலிஸ்!!! வாழ்க டெக்னாலஜி!!!


வாழ்கபோலிஸ்!!!   வாழ்க டெக்னாலஜி!!!

போலிஸ் என்றால் படத்திலலேட்டா கடைசில வருவாங்க.
நடைமுறையில போலிசு கிட்ட போகவே சாதாரண மக்களிடம்  
இன்றும் அச்சம் உள்ளது.
இது அந்த மாதிரி அல்ல.
சென்னை கிண்டி நூறடி ரோடில் எம்.எம்.டி.எ. நிறுத்தத்தில் நடந்து சென்றுகொண்டிருந்த நடு வயது பெண்மணியிடம் செயினை அறுத்துக்கொண்டு 
ஒரு "பைக்"காரன் வேகமாக சென்றுவிட்டான். 
அந்த பெண்மணி நாடு ரோட்டில் "ஐயோ, என் புருஷன் கொன்று விடுவானே"என்று பெருங்குரலில் அழ, யாரோ ஒரு புண்ணியவான் 
போலிசுக்கு போன் பண்ண 'சர்'ரென ஜீப்பில் வந்த உதவி 
கமிஷனர்,விசாரணையில் இறங்கினார்.
பிறகு, லேப்டாப்பில் தட்டி, கண்காணிப்பு கேமராவில் 
திருடனின் வண்டி நெம்பரை கண்டுபிடித்து 
ஆளை பிடிக்க வைத்து விட்டார்.
அந்த பெண்மணியிடம் ஸ்டேஷனில் வந்து 
செயினை வாங்கிகொள்ளும்படி சொன்னார்.


வாழ்கபோலிஸ்!!!   வாழ்க டெக்னாலஜி!!!! நம்ப முடியுதா? 

Friday, 4 May 2012

அம்மணியும் அணிலும்

அம்மணியும் அணிலும் :
காலையில் குயிலின் குரலை கேட்டு கண்விழிப்போம்.எதிரில் மிகப்பெரிய காலி மனையில், ஏராளமான மரங்கள்.விதவிதமான பறவைகள்.மாலையில் திரும்பி வந்து கூடுகளில் அடையும் இரைச்சல் இனிமை.பலவித குரல்கள்.கூடவே குஞ்சுகளின் கொஞ்சல்கள்!!!! 
நடு இரவில் ஆந்தையின் அட்டகாசம். 
பகலில் கிளியின் குரல்கள் அவைகளை 
தேடவைக்கும்.
அணில்கள் துள்ளி விளையாடுவதே அழகோ அழகு. குயில்கள்  அவ்வளவு எளிதாக கண்ணில் படாது. இதெல்லாம் எங்கோகிராமத்தில் இல்லைங்க.
சென்னையின் மத்தியில்.
இதெல்லாம் போன வருடம்..அந்த காலி மனையை சேட்டு, வீட்டு மனைகளாக்கி விற்றுவிட்டதால், அங்கிருந்த மரங்களை எல்லாம் வெட்டிகொண்டிருக்கும்போது, சில மரங்களையாவது விட்டு வைக்க சொன்னோம்.
ம்ஹும்..
வாங்கியவன் அரசியல்வாதி.ஒரு பிட் இடம் கூட விடாமல் படம் போட்டு விற்று விட்டான். அந்த மரங்களில் இருந்த பறவை கள், அணில்கள் தவித்த தவிப்பு இருக்கிறதே, கொடுமை. அணில் குஞ்சுகள் சிலவற்றை எடுத்து வந்து வளர்த்தோம்.
அம்மணிக்கு இதெல்லாம் அலர்ஜி. ஜன்னலில் வைக்கும் உணவை காகமும், அணிலும் போட்டி போட்டு உண்ணும். ஒரு சமயம் நான் வெளியூர் போயிருந்தபோது, அம்மணி சரியாக ஜன்னலில் உணவு வைக்கவில்லை. அது சமையல் அறைக்குள்ளேயே வர ஆரம்பித்து விட்டது.
அம்மணி போட்ட கூச்சலில் (என்னைத்தான்) வலை போட்டுவிட்டேன் .உணவு வைப்பது தொடர்கிறது. 

Thursday, 3 May 2012

சென்னை மாநகராட்சி 7-வது மண்டலகூட்டங்கள்


சென்னை மாநகராட்சி அதிமுக கையில், ஆனால் 7-வது மண்டலமாகிய, அம்பத்தூர் மண்டல தலைவர் தேர்தலில் போட்டியிட்டு வெற்றி பெற்றது, திமுக.
எப்படி?? அதிமுக நண்பர்கள் போட்ட ஓட்டுக்கள்தான். 
இது பழைய கதை!
இப்போ என்னா அதுக்கு? 
மண்டல கூட்டங்கள் நடந்தால் தான் அந்தந்த வார்டு பிரச்சினைகளை பேசி திட்டங்கள் போட்டு, தீர்மானங்கள் இயற்றி மாநராட்சி கூட்டத்தில் வைத்து நிதி ஒதுக்க முடியும். 
 
மண்டலக்கூட்டங்கள் நடக்கலியா? 
அதிமுக 10 கவுன்சிலர்கள் கூட்டத்தை புறக்கணிப்பதால், கூட்டம் நடத்த முடியவில்லை.
கவுன்சிலர்களை கூட்டத்தில் கலந்துகொள்ள கட்டாயப்படுத்த முடியாதாம்.
அப்புறம் எப்புடி ரோடு போடுவாங்க? குப்பை அகற்றுவாங்க?
எங்களுக்கு ஏன்தான் இப்படியெல்லாம் நடக்குதோ?

Tuesday, 1 May 2012

ஈழ தமிழர்களை பற்றி -டி.ஆர்.பாலு


ஈழ தமிழர்களை பற்றி பேச எங்களுக்கு மட்டுமே அதிக உரிமை உள்ளது.நான் சென்னை கழக மாவட்ட செயலாளராக இருந்த 13 ஆண்டுகளில் நடத்திய  90% பொதுக்கூட்டங்கள்,ஆர்பாட்டங்கள் ஸ்ரீலங்கா தமிழ் பிரச்சினை பற்றியதே!!! டெசோ ஆரம்பித்தது மட்டுமல்ல அதில் மதுரையில் நடந்த கூட்டத்தில் வி.பி.சிங், வாஜ்பாய் போன்றவர்களை பங்கு பெற செய்து ஈழ போராளிகளுக்குள் ஒற்றுமை ஏற்பட காரணமாகவும், இருந்தது கலைஞர் தலைமயில் உள்ள திமுகழகமே.
பதவியில் இருந்த போது ஒன்றும் செய்யவில்லை என்று விமர்சனம் செய்பவர்களுக்கு சொல்லுகிறேன்!எல்லா விஷயங்களிலும் வெளிப்படையாக சொல்லவோ செய்யவோ முடியாது.இந்தியாவில்,உலகெல்லாம் வாழும் தமிழர்களின் எதிர்காலத்தையும் மனதில் கொண்டு தான் எந்த நடவடிக்கையையும் எடுக்கமுடியும்.அண்டை நாடான பாகிஸ்தான் எதிரி,பங்களாதேஷ், சீனா என்று எதிரி பட்டியல் இருக்கும்போது, தெற்கில் ஸ்ரீலங்காவையும் பகைக்க முடியாது. சீனா ஸ்ரீலங்காவில் ஆயிரம் மெகா வாட் திறன் கொண்ட மின் உற்பத்தி நிலையத்தை அமைத்து கொடுத்திருக்கிறது. ஒரு லட்சம் சீன படையினர் சீருடை இல்லாமல் அங்கே பணிபுரிகிறார்கள். இந்தியாவின்  பங்களிப்பு அங்கே தேவைப்படுகிறது. முக்கியத்துவம் வாய்ந்தது. எல்லாவற்றையும் போது மேடையில் சொல்ல முடியாது.இதே ஜெயலலிதா பிரபாகரனை கைது செய்து இந்தியாவிற்கு 
கொண்டு வரவேண்டும் என்று சொன்னார்."
அம்பத்தூர் பொதுக்கூட்டத்தில் தொகுதி பாராளுமன்ற உறுப்பினர்,டி.ஆர்.பாலு ஆவேசம்.

Saturday, 28 April 2012

நெருக்கடிகள்-உழைப்பு-கலைஞர்

வெளியில:
சென்ற சட்ட மன்ற பொது தேர்தலில் திமுக பெரும் தோல்வியை சந்தித்தது!!எதிர் கட்சி அந்தஸ்து கூட பறிபோனது.  
கட்சியில:
வெளியிலே அப்படி என்றால் கட்சிக்குள்ளே வேறு மாதிரி பிரச்சினைகள். ஒரு பக்கம் அழகிரியும், முக ஸ்டாலினும் எதிரும் புதிரும் யார் பெரியவர்? அடுத்த தலைவர் என்று முட்டல், மோதல்கள். மற்றொரு பக்கம் பேராசிரியர் அன்பழகன் வயதில் மூத்தவர்கள்(80-90) கட்சி பணியிலிருந்து விலகி இளைஞர்களுக்கு(60-70) வழி விட வேண்டும் என்று ஒரு குண்டை தூக்கி போட்டார். 
வீட்டில:
மூன்றாவதாக இந்த வீட்டில் சகோதரர்களை சமாதானபடுத்த சொல்லியும், அந்த வீட்டில் மகளுக்கு கட்சியில் பதவி கேட்டு நச்சரிப்பு!!!
இதெல்லாம் கலைஞருக்கு சுண்டைக்காய் சமாசாரம்!
இதற்கு எல்லாம் சேர்த்து ஒரே வழி பழையபடி பொதுக்கூட்டம்,ஆர்பாட்டம்,இனம்,மொழி, பொது பிரச்சினை  என தீவிரமாக தானே இறங்கினால், சகோதரர்கள் மட்டுமல்ல, பேராசிரியரும் மௌனமாகிவிடுவார்கள். வீட்டிலும் இருக்கும் பிரச்சினைகள் அடங்கிவிடும் என்று கணக்கு போட்டார்.அனேகமாக வெற்றியும் பெற்றுவிட்டார்.
உடல் ஒத்துழைக்காவிட்டாலும் மனதில் உறுதியுடன் செயல்படும் அவரை பார்த்து வியக்கிறேன்!!! அந்த உழைப்பை வணங்குகிறேன்!!!

ஜனநாயகம் படும் பாடு!!


ஜனநாயகம் படும் பாடு!!

சட்ட சபையில் திமுக உறுப்பினர்களுக்கு பேசுவதற்கு வாய்ப்பு அளிக்கப்படவில்லை என கூறி மக்கள் மன்றத்தில் எங்கள் கருத்தை கூற தமிழ்நாடு முழுவதும் பொதுக்கூட்டம் வாயிலாக எங்கள் கருத்துக்களை பதிவு செய்வோம் என்று திமுக தலைவர் கூறினார்.அதன்படி முதல் கூட்டம் வட சென்னை பெரவள்ளூரில் நடந்தது. முதலில் பேசிய துரை முருகன் சட்ட சபையில் திமுக உறுப்பினர்கள் நடத்தப்படும் விதம் குறித்து வேதனையான தகவல்களை வேடிக்கையாக கூறினார்.அடுத்து பேசிய மு.க.ஸ்டாலின்,தன் மீதும் தன் மகன் மற்றும் சீப்ராஸ் அதிபர் ஆகியோர் மீதும் செய்யப்பட புகார் பொய்யானது என்றும் அந்த இடம் வாங்கிய கடனை திருப்பி செலுத்தாததால் ஏலத்துக்கு வந்ததாகவும் அதை தன் மகன் உதய நிதியின் நிறுவனம் ஏலத்தில் எடுத்ததாகவும் கூறினார். அந்த ஏலத்தில் பங்கு கொண்ட மற்றொரு பிரமுகர் நடிகர் கமலா ஹாசன் எனபதையும் கூறிய முக ஸ்டாலின் ஜெயலலிதாவிற்கு இது போன்ற தவறான தகவல்களை தரும் அதிகாரிகளை சாடினார்.டான்சி நிலத்தை திருப்பி கொடுக்க நேர்ந்த சூழலை சுட்டிக்காட்டிய அவர், திமுக தலைவர்களில் பலரையும் நில அபகரிப்பு என்ற பெர்யரில் பொய் வழக்குகளை போட்டு பின் ஜாமீனில் வெளிவந்தவர்களை மீண்டும் ஏதாவது பொய் வழக்கு போடுவதும் , குண்டர் சட்டத்தை ஏவுவதையும் வழக்கமாக கொண்டுள்ளதை குறிப்பிட்டார். கடைசியாக பேசிய கலைஞர் ஜெயலலிதாவின் அவல ஆட்சியை பற்றி பேசி கழக ஆட்சியில் மின் பற்றாக்குறையை சமாளித்ததைய்ம், தற்போதுள்ள நிலையை சிந்தித்து பார்க்க வேண்டும் என்றார்.

கடைசியாக பேசிய கலைஞர் ஜெயலலிதாவின் அவல ஆட்சியை பற்றி பேசி கழக ஆட்சியில் மின் பற்றாக்குறையை சமாளித்ததைய்ம், தற்போதுள்ள நிலையை சிந்தித்து பார்க்க வேண்டும் என்றார். தேர்தலின்போது கூடாத பெரும் கூட்டம் கூடியிருந்தது, சிந்திக்க வைக்கிறது...பார்லிமென்ட் தேர்தலை பற்றி....