Showing posts with label aalumai. Show all posts
Showing posts with label aalumai. Show all posts

Wednesday, 6 March 2013




 ஏழ்மை  ஒழிக்கப்பட வேண்டும் என்பதில் கருத்து வேறுபாடே இருக்க முடியாது.கொடிது கொடிது வறுமை கொடிது....அதனினும் கொடிது இளமையில் வறுமை....ஔவையார்.பெருந்தலைவர் காமராஜர் தமிழக முதல்வராக இருந்த போது,  காரில் ஒரு பொட்டல் வெளியை கடக்கும்போது மழை. ஒரு இடத்தில் ஆடு,மாடு மேய்க்கும் சிறுவர்கள் கூட்டமாக இருந்தனர்.எல்லோருடைய ஆடைகளும் நனைந்திருக்க ஒரு சிறுவனின் உடை மட்டும் நனையாமல் இருப்பதை பார்த்து வியந்து அவனை அழைத்து விசாரித்தார்.கஞ்சி கலயத்தில் உடையை திணித்து தலையில் கவிழ்த்து   வைத்ததால் உடை நனையவில்லை என்றான் அச்சிறுவன்.கலங்கிய தலைவர் இவர்கள் இவ்வளவு புத்திசாலியாக இருக்கிறார்களே! இவர்களை படிக்க வைத்தால் இவர்களும் நாடும் உயர்வடையுமே, இதற்கு என்ன செய்யலாம் என்று அதிகாரிகளுடன் ஆலோசித்து, கொண்டு வந்த திட்டம்தான் மதிய உணவு திட்டம்....(அடுத்தது sslc வரை இலவச கல்வி பிறகு puc வரை நீட்டிக்கப்பட்டது.)எம்ஜியார் அவர்கள் சிறு வயதிலேயே பசியின் கொடுமையை அனுபவித்தவர் ஆதலால் சத்துணவு திட்டத்தை அமல்படுத்தினார்.அதில் ஆதரவற்றோர்,வயதானவர்கள்,கணவன் இல்லாதவர்கள் எல்லோரையும் இணைத்தது
அவர்களுடைய துயரத்தை,பசியை போக்க வழி வகுத்தது.ஆனால் இன்று ஏழை மக்களுக்காக மலிவு விலையில் இட்லி ரூ.1/- க்கும் சாம்பார் சாதம் ரூ.5/-,தயிர் சாதம் ரூ.3/-க்கும் கிடைக்க செய்த முதல்வர் ஜெ.உழைக்கும் மக்களின் ஆதரவையும், அன்பையும் ஆசிகளையும் பெறுவது உறுதி.....

Saturday, 28 April 2012

நெருக்கடிகள்-உழைப்பு-கலைஞர்

வெளியில:
சென்ற சட்ட மன்ற பொது தேர்தலில் திமுக பெரும் தோல்வியை சந்தித்தது!!எதிர் கட்சி அந்தஸ்து கூட பறிபோனது.  
கட்சியில:
வெளியிலே அப்படி என்றால் கட்சிக்குள்ளே வேறு மாதிரி பிரச்சினைகள். ஒரு பக்கம் அழகிரியும், முக ஸ்டாலினும் எதிரும் புதிரும் யார் பெரியவர்? அடுத்த தலைவர் என்று முட்டல், மோதல்கள். மற்றொரு பக்கம் பேராசிரியர் அன்பழகன் வயதில் மூத்தவர்கள்(80-90) கட்சி பணியிலிருந்து விலகி இளைஞர்களுக்கு(60-70) வழி விட வேண்டும் என்று ஒரு குண்டை தூக்கி போட்டார். 
வீட்டில:
மூன்றாவதாக இந்த வீட்டில் சகோதரர்களை சமாதானபடுத்த சொல்லியும், அந்த வீட்டில் மகளுக்கு கட்சியில் பதவி கேட்டு நச்சரிப்பு!!!
இதெல்லாம் கலைஞருக்கு சுண்டைக்காய் சமாசாரம்!
இதற்கு எல்லாம் சேர்த்து ஒரே வழி பழையபடி பொதுக்கூட்டம்,ஆர்பாட்டம்,இனம்,மொழி, பொது பிரச்சினை  என தீவிரமாக தானே இறங்கினால், சகோதரர்கள் மட்டுமல்ல, பேராசிரியரும் மௌனமாகிவிடுவார்கள். வீட்டிலும் இருக்கும் பிரச்சினைகள் அடங்கிவிடும் என்று கணக்கு போட்டார்.அனேகமாக வெற்றியும் பெற்றுவிட்டார்.
உடல் ஒத்துழைக்காவிட்டாலும் மனதில் உறுதியுடன் செயல்படும் அவரை பார்த்து வியக்கிறேன்!!! அந்த உழைப்பை வணங்குகிறேன்!!!